Гуамскі ўніверсітэт

Гуамскі ўніверсітэт
англ.: University of Guam
Арыгінальная назва	англ.: University of Guam
Заснаваны	1952
Студэнты	2 801
Краіна	ЗША
Размяшчэнне	Гуам, ЗША
Сайт	uog.edu
Медыяфайлы на Вікісховішчы

Гуамскі ўніверсітэт (англ.: University of Guam) — амерыканская дзяржаўная вышэйшая навучальная ўстанова са статусам універсітэта, якая месціцца на востраве Гуам, ЗША. Адзіная ўстанова адукацыі з універсітэцкім статусам на востраве.

Агульная характарыстыка

Універсітэт акрэдытаваны Заходняй асацыяцыяй школ і каледжаў ЗША і прапануе 34 праграмы бакалаўрыяту і 11 магістратуры. 94% студэнтаў вучэльні з’яўляюцца выхадцамі з астравоў Азіяцка-Ціхаакіянскага рэгіёну, амаль 72% студэнтаў навучаюцца ў дзённай (вочнай) форме навучання. Ва ўніверсітэце працуе на пасадах прафесарска-выкладчыцкага складу каля 180 асоб. Універсітэт быў заснаваны ў 1952 годзе як двухгадовая педагагічная вучэльня, вядомая тады як Гуамскі тэрытарыяльны каледж, заснаваная губернатарам Карлтанам Скінерам. У 1960 годзе каледж пераехаў у цяперашні кампус у цэнтральнай частцы Гуама. У 1965 годзе каледж быў акрэдытаваны як чатырохгадовая навучальная ўстанова, якая мае права надаваць акадэмічныя ступені.

Структура

• Каледж вольных мастацтваў і сацыяльных навук
• Каледж прыродазнаўчых і прыкладных навук
• Школа бізнесу і дзяржаўнага кіравання
• Школа адукацыі
• Школа інжынерыі
• Школа здароўя

Спасылкі

• На Вікісховішчы ёсць медыяфайлы па тэме Гуамскі ўніверсітэт
• Афіцыйная інтэрнэт-старонка ўстановы